Иқтисодиёт ва молия вазирлиги «Фуқаролар учун бюджет» нашрида Ўзбекистоннинг 10 та энг йирик солиқ тўловчилари ҳақида маълумот берди. Давлат бюджети солиқ тушумларининг 16,3 фоизи Навоий КМК, 8,6 фоизи эса Олмалиқ КМК улушига тўғри келган.
2023 йилги давлат дастури лойиҳасида Олмалиқ кон-металлургия комбинатининг «Ёшлик» мис конини ўзлаштириб, 3-мисни бойитиш фабрикасини ишга тушириш режаси муҳокамага қўйилди. Шунингдек, Навоийдаги Пистали конида 4 млн тонна олтин рудасини қайта ишлаш мажмуаси қурилишини якунлаш режа қилиняпти.
Жорий йилнинг 25 декабрь куни Корея Миллий Ассамблеяси Олмалиқ кон-металлургия комбинатига 15 млрд вон ($12 млн) миқдоридаги грант ажратиш бўйича қарор қабул қилди. Мазкур маблағлар ҳисобидан ўзбек-корейс илмий техник маркази қошида саноат тажриба цехи ташкил этилиши режалаштирилмоқда.
ДХХ фуқаро «Олмалиқ КМК» ишчилари билан келишиб, кийим алмаштириш хонасига таркибида 117,5 млн сўмлик қимматбаҳо металлар бўлган 4,4 кг саноат қумларини яшириб қўйганини аниқлади. Гумондорнинг ўзи комбинатнинг қўриқлаш хизматига ишга кириш учун суҳбатга келган вақтида қўлга олинган. Унга нисбатан жиноят иши қўзғатилди.
Захираси 5 минг тоннадан ортиқ Олмалиқдаги олтин кони, Ховосда 7 млн доллари талон-торож қилинган ОТБ, 540 млн сўмгача имтиёзли кредит олиш имконига эга бўлган ёш тадбиркорлар, сотувга қўйилган Hyatt Regency Tashkent меҳмонхонаси, ҳокимлари алмашган туманлар, йўл-транспорт инфратузилмаси ишлаб чиқилаётган Тошкент ва бошқа хабарлар — «Газета.uz» нинг 22 декабрдаги энг муҳим хабарлари дайжестида.
«Мурунтов» конидаги олтин захиралари 3 минг тоннага етмаса, Олмалиқдаги «Ёшлик-1» конида — 5 минг тоннадан кўпроқ, дея маълум қилди Шавкат Мирзиёев. «Биз шунчалик ер ости бойликларимиз борлигини билмаган эдик. Сизлар билмайсизлар қанчалар бой одам эканлигингизни, қандай ер ости бойликлари устида яшаётганингизни», — деди давлат раҳбари.
Олмалиқ кон-металлургия комбинатида қиймати 4,9 млрд доллар бўлган «Ёшлик-1» конини ўзлаштириш лойиҳаси амалга оширилмоқда. Президент Шавкат Мирзиёев пайшанба куни конда олиб борилаётган ишлар билан танишди.
Ўзбекистон бугунги кунда мисдан 2,5 млрд доллар даромад кўрмоқда. Келгуси 5 йилда мис ишлаб чиқариш ҳажмини 400 минг тоннагача етказиш орқали, бу кўрсаткични турдош тармоқлар билан бирга 7−8 миллиард долларга етказиш мумкин, дейилди президент раҳбарлигида ўтказилган йиғилишда. Бунинг учун мис саноати кластерларини ташкил этиш ва бошқа чораларни амалга ошириш режалаштирилмоқда.
Қўшимча имкониятларга эга булиш учун сайтда рўйхатдан ўтинг